naya saal

kuch ankahee ehsaason ko dil mein samete,
ankahee baaton ko zubaan pe lapete,
nigahon mein teri chahat ke samunder ko ghere,
ek aur naya saal aayega!!


kuch naye umangon ke saath,
dil mein naye tarangon ke saath,
naye armaano ke saath,
dil mein kuch naye sapon ke saath!
ek aur naya saal aayega!!


kuch alag kar dikhane ki chahat dil mein liye,
ummeed ki nayi roshni dil mein jalaye,
nayi uchaiyon ko chhoone ki chahat liye,
har burai se ladne ki taaqat liye,
ek aur naya saal aayega!!


kuch khatti-meethi yaadein reh jayengi,
jise yaad kar ye dil fir gun-gunayega,
un palon ke ehsaaon ki mahek liye,
yunhi dil chalta chala jayega!
aur fir ek aur naya saal aayega!!

©2016: Ajnabi & Ashish

WARNING: Copying, printing or using the content of this website in any manner without the permission or consent of the owner is strictly prohibited.

All rights reserved.